Irutxuloko Hitza

Errugbia

Spyrok 21-9 irabazi dio Getxori; asko sufritu du baina presioari aurre egin diote bukaera arte.

nerea lizarralde

Derbi gogorra izan zen. Getxo Artea aurkari zaila izango zela bazekiten Spyrokoek eta prest zeuden dena emateko.

Gogoz defenditu zuten. Uztartzeetan sufritzen hasi ziren baina aldaketa batzuekin egoera hobetzea lortu zuten. 5. minutuan Iñaki Arana atzelari gazteak entsegua lortu zuen. Eraso ona egin zuten. Halere, ustekabean Getxok berdintzea lortu zuen eta aurretik jarri ziren Palumbo argentinarraren jokoari esker.

Gorka Buenok berriz aurrea hartzea lortu zuen. Zenbait akats izan zituen Spyrok paseetan eta zaila izan zen aurkariari eustea. Lehia bizia izan zen bi taldeen artean.

Bigarren zatian Spyrok jokoa hobetu zuen eta fisikoki ere sendoago agertu zen zelaian. Getxo, ordea, ez zen kokildu eta presio handia sartu zion Spyrori.

Orohar ez zen partida ona izan, hainbat akats egin zituzten bi taldeek eta ez zuten joko ona erakutsi.

Mikel Guembe, Guillaume Combes, Ignacio Martin eta Izko Armentalek joko bikaina erakutsi zuten eta azken postuetatik irteteko esperantza izan litezke. testua testua.

Arnasa hartzeko modukoa

Spyro Bera Berak irabazi beharrekoa zuen atzoko partida jaitsiera postuetatik aldentzeko. Honela, pixka bat gehiago aldendu da toki arriskutsuetatik baina hemendik aurrera gelditzen zaion egutegia ez da erraza izango.

Hurrengo partida ligan bosgarrena den Valladoliden aurka jokatuko du kanpoan eta hurrengoan Santboiana hartuko du Anoetan. Katalanak zazpigarrenak dira, beraz lehia gogorra izango da.