Irutxuloko Hitza

Manu Muniategiandikoetxeak azken urteetan sortutako proiektuak eta obrak birsortu ditu Koldo Mitxelenako erakustaretoan.

Bergaran jaio zen baina Donostian bizi da egun. Herreran dauka estudioa. Ondo ezagutzen du Manu Muniategiandikoetxea margolariak Koldo Mitxelenako erakustaretoa. Espazio honetarako erakusketa berezia aurkeztezteko gonbidapena jaso zuen eta hau izan da emaitza, Behar Gorria Primavera Azul.

Areto bat, proiektu bat

Artistak gustuko du bere proiektuen muntaiek erakusketa aretoaren arkitekturarekin lotura izatea. Koldo Mitxelenaren kasuan nabarmena da, espazioa bakoitzean proiektu bat erakutsi baitu, zortzi proiektu zortzi aretoentzat. «Arraultza kaxa bat izango balitz bezala, pixkanaka obra bakoitza bere espazioan kokatu dut. Muina hor dago, alegia, obra bakoitzaren kokapen eta forma egokia lortzea. Obrak ez daude bere osotasunean, birsortu eta berrinterpretatu ditut. Atal bateko pieza berriak dira», azaldu du Muniategiandikoetxeak.

Eskulturak eta esku hartzeak nagusi

El bosque de Ozu margolanak ongi etorria ematen dio ikusleari erakustaretoan. Pintura, ordea, ez da erakusketa honetako protagonista, eskultura eta esku hartzeak dira nagusi. Azken urteetako lanak berreskuratu ditu, batzuk obra publikoak dira. Areto batean Miamin landu zuen obra dago, Orain berriz Gulliver: «Miamiko hondartza batean kontainer-ontzi erraldoi baten barruan eskultura bat sortzeko proposatu zidaten. Hondartutako erraldoi bat irudikatzen duela uste dut», dio margolariak.

Bosgarren zubiaren proiektua

Beste areto batean iaz argitaratutako liburu erotiko baterako egin zituen marrazki originalak bildu ditu. Muniategiandikoetxearen desafioetako bat Donostiako bosgarren zubiaren proiektua izan da eta hau ere erakusketan jaso du. «Erronka handia izan da bosgarren zubiaren proiektua espazio honetan sartzea. Ez nuen maketa edo planorik erabili nahi. Azkenean baldosekin osatuako zoru bat sortzea erabaki dut. Gertatuko denaz hitz egiten duen pieza dira baldosak». Burgoseko kutxaren museorako sortu zituen hiru eskulturak eta Iruñeako Baluarten aurkeztutako obren egokitzapena ere izango da ikusgai Koldo Mitxelenan.

Guztiaren gainetik, margolaria

«Ni margolaria naiz, hala sentitzen naiz. Baina une honetan hiru dimentsioko objektuak ere sortzen hasi naiz. Pinturatik abiatzen naiz beti, hori argi dago. Proiektu bat proposatzen didatenean beti margo batean imaginatu eta irudikatzen baitut. Enkargu hauek lan egiten jarraitzeko motorea dira niretzat», dio artistak.

Erakusketaren izena ere azaldu du Muniategiandikoetxeak: «Ez da nire obren erakusketari jarri diodan izena. Neure buruari jarri diot titulu hori. Ni neu nola sentitzen naizen edo gizartearekiko edo artearekiko zer sentitzen dudan adierazten du. Gorria, konnotazio oso gogorra duena, oso muturrekoa, eta premia. Udaberri urdinak berriz guztiz kontrakoa esan nahi du».

 

Jasotako erantzunak:

Mezua idatzi

Parte hartu | Zure mezua bidali

Izena:

e-posta:

Izenburua:

Mezua:

Aurreko kodea kopiatu:

Parte hartzeko arauak

1. 1. - Saiatu zure artikuluak izen-abizenekin sinatzen. Indar handiagoa du.
2. 2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
   * Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
   * Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
   * Aurreko gauza bera gai orokorrez idatzi behar denean ere.
   * Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
3. 3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.