Irutxuloko Hitza

Euskaltel Euskadiko Lander Aperribayk lehen aldiz parte hartuko du Italiako Giroan. Talde buruei laguntzea izango da amaratarraren lana.

Larunbatean hasi eta ekainaren 1ean bukatuko da txirrindularitza denboraldiko lehen itzuli handia, Italiako Giroa. Euskaltel Euskadiko Lander Aperribay amaratarrak lehen aldiz parte hartuko du lasterketan. Gaur bertan abiatuko da Italiarantz maletak bete ilusio.

Iaz egin zuen debuta profesionaletan eta Giroa lehen itzuli handia izango da berarentzat. Iaz ere Corsa rosa-ra joatekotan zen, baina azken unean Euskaltelek ez eramatea erabaki zuen. Larunbatean hasiko den lasterketari begira animoso dago. «Nire lana bete dut. Asko entrenatu naiz, asko zaindu naiz janariari dagokionez... Errespetua diot probari hiru asteko lehen itzulia izango delako niretzat, baina ez dut beldurrik. Iazko denboraldiarekin alderatuta, entrenamendu luzeen ostean azkarrago ematen diot buelta gorputzari. Hori erresistentzian hobera egin dudan seinalea da». Aperribayk morrontza lanak egin beharko ditu taldeko buruarentzat Italiano errepideetan, Koldo Fernandez Larrearentzat. «Ihesaldiak bilatu beharko ditut eta lankideei lagundu, ea etaparen bat irabazten dugun».

Ohi bezala, Giroko ibilbideak zur eta lur utz dezake edonor. Oso etapa gogorrak baitaude, azken egunetan gainera. Pordoi, Gavia edo Mortirolo bezalako aldapa amaigabe eta tenteak igo beharko dituzte txirrindulariek. «Ez naiz kikilduko mendate horietan. Ez dakit oso ondo zein den nire tokia txirrindularitzan, baina ezer izatekotan igotzailea naiz».

Klasikoetako esperientzia

Apirila hasieran klasiko handienetako bitan aritu zen Aperribay, Flandesko Tourrean eta Paris-Roubaixen. Ez zuen ez bata ez bestea bukatu, baina esperientzia ahaztezina izan dela dio Aperribaik. «Amorratzen joan ginen, bagenekielako oso gogorrak zirela, baina bezperan hamaika zikloturista eta zale ikusi genituen eta horrek zer pentsatua eman zigun. `Hauek guztiek jai eguna eskatu dute eta ez dute inongo sosik jasoko. Nola kexatuko gara gu, bada?´». Flandesko Tourrean 210 kilometro egin zituen. Helmugatik 54 kilometrora geratu egin zen. «Poliziak geldiarazi gintuen beste txirrindulari batzuk eta ni, oso atzeratuta genbiltzalako eta kontroletik kanpora iritsiko ginelako helmugara». Une horretan Aperribay larritu egin zen. «Helmugara iristeko auto-stop egin beharko nuela pasatu zitzaidan burutik, baina halako batean autobus batean sartu gintuzten.Han zeuden aurretik erretiratutako txirrindulariak. Txalo artean eta jai giroan egin genuen hotelerainiko bidea». Paris-Roubaixen 200 kilometro egin zituen. Helmugatik 60 bat kilometrora jarri zuen oina lurrean, ahituta, besteak beste, Arenbergo basoa igaro eta gero. «Esperientzia polita, bai, baina ez nuke hurrengo urtean errepikatuko. 60 kilorekin ez dut zer eginik».

 

etapa garrantzitsuenak

Maiatzak 10, larunbata. Taldekako erlojupekoa (23,6 kilometro).

Maiatzak 20, asteartea. Pesaro-Urbino. Bakarkako erlojupekoa (39,4 kilometro).

Maiatzak 25, igandea. Arabba-Passo Fedaia/Marmolada (153 kilometro). Pordoi eta San Pellegrino mendateetatik igariko dira Marmoladara igo aurretik.

Maiatzak 26, astelehena. San Vigilio Di Marebbe-Plan de Corones. Kronoigoera (12,9 kilometro).

Maiatzak 30, ostirala. Legnano-Presolana/Monte Pora (228 kilometro).

Maiatzak 31, larunbata Rovetta-Tirano (224 kilometro) Gavia-mendaterik garaiena- eta Mortirolo izango dituzte bidean.

Ekainak 1, larunbata Cesano-Maderno-Milano (224 kilometro)

 

Jasotako erantzunak:

Mezua idatzi

1

i latinoa | 2008-05-07

AperribaY? Hurrengoa zer izango da eCHeVerria, edo CelaYeta??? ene

Parte hartu | Zure mezua bidali

Izena:

e-posta:

Izenburua:

Mezua:

Aurreko kodea kopiatu:

Parte hartzeko arauak

1. 1. - Saiatu zure artikuluak izen-abizenekin sinatzen. Indar handiagoa du.
2. 2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
   * Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
   * Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
   * Aurreko gauza bera gai orokorrez idatzi behar denean ere.
   * Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
3. 3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.