Irutxuloko Hitza

Enplegua

Donostiako Sustapenak antolatutako VI. Enplegu Azokan enpresek 3.500 lanpostu inguru eskainiko dituzte.

I. fdez. mariezkurrena / X. Etxabe

Donostiako Sustapenak VI. Enplegu Azoka abiatu du Igarako CEMEIn. Bi egunez, 40 enpresa inguruk euren standak izango dituzte bertan eta lan-elkarrizketak eginten ari dira aurrez curriculuma bidali eta hitzordua adostu duten horiekin. Dena dela, beste 50 enpresek ere, presentzia fisikorik ez izan arren, lan- aukeren berri emango dute bertan.

3.500 aukera

Orotara, 3.500 lanpostu izango dira aukeran Cemein. 1.500 Gipuzkoako enpresek eskainirikoak dira eta beste 2.000k aldi baterakoak besterik ez dira (batez ere udarako). Ataria gurutzatu eta ezkerretara jarritako paneletan, zintzilik, topatuko ditu interesdunak eskaintza horiek guztiak. Dendariak, hezitzaileak, administrariak, garraiolariak... denetarik bilatzen dute.

1.000 curriculum

Azken bi asteotan, aurretiko hautaketak iraun bitartean, 1.000 lagun baino gehiagok aurkeztu dute beren kurrikuluma eta azaldu dute lan-elkarrizketarako interesa. Askok enpresa batekin baino gehiagorekin hitz egiteko asmoa dute eta, hala, 1.500 elkarrizketa izango dira bi egunotan.

%60 emakumezkoak izan dira eta gehientsuenak (%70) 25 eta 45 urte artekoak. Erdiak baino gehiagok, lanpostua eduki arren, zer edo zer hobea bilatzen du eta, gehiengoaren curriculumetan, erdi-mailako ikasketak, diplomaturaren bat edo lizentziatura bat ageri da. Nolabait, lan merkatuak urteotan jasan duen aldaketa kualitatiboaren isl a da CEMEIko Enplegu Azoka, antolatzaileen hitzetan.

Zubigintza lana

Lanpostuak betetzeko beharra duten enpresariak eta lan bila dabiltzanak harremanetan jartzea da ekimen honen helburua, elkargunea izatea, alegia.