Irutxuloko Hitza

Antzerkia

Pok Produkzioak, Tanttaka, Agerre Teatro eta Kukubiltxo euskal konpainiak izango dira

nerea lizarralde

Aurtengo dFeriak, arte eszenikoen jaialdiak hainbat estreinaldi eta dantza ikuskizun eskainiko ditu uztailaren 8tik 12ra. Victoria Eugenia Antzokia izango da eszenatoki nagusia eta nazioarteko proposamen garrantzitsuenak jasoko ditu.

Japoniatik Batik konpainia etorriko da. Shoku (euskaraz, ukimena) dantza ikuskizun garaikidea eta sensuala interpretatuko dute zazpi emakume dantzarik. Errege-gaua Errusiako proposamena da. Jatorrizko bertsioa izango da ikusgai. Frantziatik, Peter Brookek Samuel Becketten testuetan oinarritutako Zatikiak ikuskizuna aurkeztuko du. Herrialde katalanetan sortutako Chicos Mambok itxiko du programazioa ikuskizun koloretsu batekin.

Euskal antzerkia

Maitasun harremanen inguruko obra da Garbi Losadak zuzendutako Agerre Teatroren Secando charcos obra. ¿Te acuerdas, abuela? Pok produkzioaken Alzheimerrari buruzko antzezlana da. Tanttakaren Comida para peces obra ere izango da ikusgai. Tanttakak, Kukairekin elkarlanean Hnuy Illa dantza ikuskizuna eskainiko du. Kukubiltxok berriz, Haritzaren azalera zehatza eskainiko du euskaraz eta gazteleraz.

Dantza garaikidea

Dantzak aurten ere protagonismo handia izango du. Diana Szeinblumek Alaska ikuskizuna eskainiko du. Aurretik Gazteszenan egondakoak dira Secretos y Malibu obrarekin. Silvia Valdimivskyk identitatearen inguruan gogoeta egingo du El nombre ikuskizunean. Brasiletik Cristina Mourak sortutako bi ikuskizun iritsiko dira: My mother naked eta Like an idiot. Moura ikertzaile amorratua da eta koreografietan gauza berriak bilatzen ari da beti.

Buenos Airesetik, Hegoamerikako antzerkiaren hiriburutik sei proposamen aurkeztuko dira eta Europan lehen aldiz izango dira ikusgai. Othelloren bertsio librea egingo du Escrito en el barron Andres Bazzalok. Algo de ruido hace ikuskizun intimista, No me dejes asi edo Perras dira Argentinatik ekarritako beste obra batzuk. Espainiako proposamenen artean, Yllana Imprebisen Musicall musika ikuskizuna eta Antonia San Juanen Guy&Felix estreinaldia.