Irutxuloko Hitza

Elkartzea

Gay, lesbiana eta trasexual gazteentzat errefenteak topatzeko tokia izan nahi du Gaztegehituk.

Mikel goñi

Gay, lesbiana, transexual eta bisexual gazteak biltzeko asmoa duen Gaztegehitu elkartea aurkeztu zuten atzo. Gehituren babesean urte batzuk atzera jaio zen elkartea azkenaldian berrindartu eta aktibatu egin da. Gehituko ordezkarien arabera, bereziki zailak dira nerabeza eta gaztaroa «norbera lesbiana, gay edo transexuala dela aurkituz doanean».

Atzoko aurkezpenaren arrazoia Gaztegehitu taldea hazkundea eta berrindartzea izan da. Izan ere, garrantzitsutzat jotzen baitute lesbiana, gay eta transexual gazteek sozilizatzeko berezko guneak izatea, «erreferentzia positiboak» ezagutzeko tokia izango direnak, alegia.

Ekimen ugari bultzatuz

Gaztegehituren agenda betea dago momentu honetan. Hainbat ekimen gauzatzen jardun baitute azkeneko hilabeteetan, besteak beste, Infasis, HMG programa edota HIESaren inguruko informazioa zabaltzea.

Infasis, Gehituk martxan duen informazioa eta laguntzarako zerbitzua da, Gaztegehituren bidez, gazteei harrera berezitua egin nahi diete informazioa era egokian eman ahal izateko.

Jendarteari begira

Gay, lesbiana eta transexualei ez ezik, Gaztegehituk bere ekimenak beste taldeei ere bideraztzen dizkie. Esaterako, Homosexualitateaz Mintza Gaitezen (MHG) izeneko programa martxan badute jada. Ekimena 3 urtetik gorakoen hezkuntzan esku hartzea du helburu eskola ingurunean ere beraien esperientziak lagungarriak gerta daitezkeelakoan. Momentuz hiriko 15 ikastetxeetan garatu dute programa eta guztiak datorren ikasturtean errepikatzeko prest azaldu dira.

HIESaren alorrean ere jardungo du Gaztegehitu, batez ere prebentzioaren eremuan. IHESa gizarte osoa ikutzen duen arazoa izanik ere, elkarteak gazteen kolektiboaren barruan prebentzio berezia egiteko beharraren ikusi du.

Aurkezpen festa Bataplanen

Gaztegehituk aurkezpen jaia antolatu du Deja Vu izenpean. Festa hilaren 23an egingo dute Bataplan diskotekan. «Toki hau aukeratu dugu, jendearentzat errazagoa izan daitekeelako» azaldu zuten arduradunek.