- Donostia
- Aiete
- Altza
- Amara Berri
- Amara Zaharra
- Añorga
- Antigua
- Bidebieta
- Egia
- Erdialdea
- Gros
- Ibaeta
- Igeldo
- Intxaurrondo
- Loiola
- Martutene
- Parte Zaharra
- Zubieta
- Busturialdeko Hitza
- Goierriko Hitza
- Irutxuloko Hitza
- Oarsoaldeko Hitza
- Tolosaldeko Hitza
- Urola Kostako Hitza
- Lea-Artibaialdeko weba
Bai Euskarari
Laguntzaileak
Euskararen Donostia
Gipuzkoako
Foru Aldundia
Ia urtebete da Untzi Museoak abentura berri bati ekin zionetik. 18 urtez jasotako erakusketa iraunkorra kendu eta 'Donostia, Itsas Hiria' erakusketak estreinatu zuen erakustareto berriztatua.
Urtebeteko ibilbidea
nerea lizarralde
Untzi Museoarentzat sekulako aldaketa izan da. 18 urtez egon den erakusketa bat kentzea eta beste bat jartzea ez da lan erraza izan. Halere, lan taldea pozik dago Museoak iaz ekin zion etapa berriarekin eta azaroa arte luzatuko den erakusketarekin, Donostia, Itsas hiria.
Donostiari eskainitako lehen erakusketa
«Honekin batera abentura berri bati ekin diogu eta hiriari zor genion omenaldia egin diogu. Gure tematika Euskal Herria osoa da: Kontserberak, euskal marinak, urpeko arkeologiari buruz egin ditugu erakusketak baina Donostiari buruz ezer ez. Bilduma honetako pieza batzuk lehen aldiz erakutsi dira.Guretzat Donostiako garai historiko ezezagunenak publikoari erakusteko aukera izan da. Donostia, kortsarioen hiria esaterako.Erakusketak kritika oso onak jaso ditugu gainera. Publikoari asko gustatu zaiola ikusi dugu», esan du Soco Romano zuzendariak.
Itsasoak Donostiaren historian duen garrantzia azpimarratu du Soco Romanok: «Jendeak bakarrik hondartza, Kaiaren edertasuna eta estropadak ikusten du baina ez dira ohartzen horren atzean dagoen guztiaren garrantziaz. Ez da turistentzat egindako portua. Galdetu izan digute ea portuko untziak Untzi Museokoak diren... Argi dago portuko arrantzaleak beste batzuen ondorengoak direla eta bizirik dagoen historiaren lekukoak direla. Baleazaleen eta kortsarioen portua izan da hiria. XIX. mendean aldiz, merkataritza konpainiena. Hiriaren historia itsasoarekin lotuta egon da eta dago». Turismoa XIX. an hasi zen eta hori ikuspegi bat besterik ez dela dio Romanok.
Gaiarekin asmatu egin dutelakoan dago Romano: «Joxe Mari Unsain izan da komisarioa. Aspalditik buruan geneukan gaia da eta pixkanaka gauzak ehuntzen joan gara. Oso hasiera polita izan da Museoarentzat. Lehen, gure lankide batek esan ohi zuen bezala, bonsai itxurako erakusketak egiten genituen. Txikiak eta oso landuak. Orain beste eskala bat da, bi solairuko erakusketa daukagu. Gestio aldetik ere, ez da gauza bera hiru edo sei hilabeterako, edo urtebete eta erdirako erakusketa prestatzea. Lan gehiago da eta zentro guztiak ez daude prest piezak luzerako uzteko, presioa jasaten baitute. Gainera horren luzez manten ezin ditzakegun obra horiek ordezkatu egin behar dira... eta lan handia da».
Bilduma pribatuetako piezak
Zorte handia izan dugu, oso eskuzabalak izan baitira gurekin, batez ere bilduma pribatuen jabeak. Ziur aski, erakusketa hau oso berezia delako. Gu oso eskertuta gaude, asko baloratzen dugu. Kuadro batzuk gordeta zeuden baina beste batzuk, kuadroak esaterako, beraien egongeletan zeuden eta... lan handia da bai».
Untzi museoa, erakusketez haratago
Soco Romano, Jose Maria Unsain, Ana Iza, Peio Urrutia, Amagoia Etxeberria eta Gorka Lopez de Aldak osatzen dute Untzi Museoaren lantaldea. Erakusketak kudeatu eta antolatzeaz gain hainbat egiteko dituzte beren egunerokoan. Antikuarioekin harremanetan jartzen dira, piezak bilatu eta katalogatzen dituzte, ikerkuntza eta kontsulta lanak egiten dituzte edoargitalpenak prestatzen dituzte, besteak beste.
Hurrengo erakusketa, abenduan, 'Euskaldunak Pazifikoan'
Erakusketa
Urdaneta urtearen harira euskaldunek historian zehar Pazifikoarekin izan duten lotura aztertuko dute.
n.l.
XVI. mendetik gaur arte. Urdaneta edo Legazpi itsasgizonak, Filipinetako merkataritza konpainia... Hainbat euskaldun izan dira Pazifiko aldean. Filipinak, Txina, Indonesia edo Japonen. Merkatari, misiolari, militar, pelotari edo Gobernuz Kanpoko Erakundeetako kide gisa, Rokpa esaterako. «Enpresariak ere ezin ditugu ahaztu», dio Soco Romanok. «Orain modan dagoela ematen du baina harreman hau XVI. mendean hasi zen. Guk aurkitu ditugu Macao eta Cantonen ibilitako Filipinetako Konpainiako merkatari euskaldun batek idatzitako dokumentu batzuk».
XVI. mendetik gaur arte
Espainiako Armadako militar batzuek (euskaldunak gehienak) eta Japoniak XVI. mendean Txina inbaditu nahi izan zutenekoa ere azaldu du Romanok.
Oro har euskaldunek Pazifikoarekin izan duten harremana aztertuko du abenduan inauguratuko den erakusketa honek. Urte eta erdi edo bi urteko iraupena izango duela aurreikusi dute.
Merkatariak, militarrak, misiolariak, pelotariak...
Bertan sortutako Jai Alai guztiak ere izangodira bilduma honetan. Soco Romano bera harremanetan jarri da bertan ibilitako pelotariekin. Manilako zetazko xala gordetzeko antzinako kaxa bat erakutsi digu. «Txinan egin eta Filipinetatik ekartzen zituzten zetazko xalak. Tradizio handia dute Segura edo Hondarribia bezalako herrietan».
Asiako herrialdeetatik etorritako euskaldun berriei ere tartea egingo diote erakusketa honetan. Familia euskaldunek adoptatutako haur txinatarrak adibidez. Edo Euskal Herrian lan egin duten filipinarrak. Harreman humanitarioa ere egon da. Frantziskotarrak, agustindarrak edo Gobernuz Kanpoko Erakundeak.
«Sekulako mugimendua egon da historian zehar. Etorkinen fluxua ez da berria, beti egon da hor eta hori da hain zuzen guk aztertu nahi duguna. Bigarren Mundu Gerran adibidez, Asian, Japoniarren aurkako gerran euskaldunak izan ziren eta Filipinetan ere bai. Guretzat oso gai interesgarria da, oso garrantzitsua».
Parte hartu | Zure mezua bidali
Parte hartzeko arauak
- 1. - Saiatu zure artikuluak izen-abizenekin sinatzen. Indar handiagoa du.
- 2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
* Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
* Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
* Aurreko gauza bera gai orokorrez idatzi behar denean ere.
* Norbaitek pertsonalki sinatutako iritzi bati, pertsonalki erantzutea dagokio, eta ez anonimoki. - 3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.
Agenda
Erakusketa
'Donostiari begira'
DONOSTIA, Historiaren Etxea, Motako Gaztelua (Urgull) - 2008-01-08
Erakusketa
Egiatik. Tabakaleraren memoria eta etorkizuna
EGIA, Tabakaleran - 2008-10-24
- Hasiera
- | Albisteak
- | Blogak
- | Bideoak
- | Eztabaidak
- | Inkestak
- | Zurea da Hitza
- | Paperekoak
- | Agenda
- | Zerbitzuak
- | Irudietan
- | Merkatu Txikia
- | Agurrak
- | Txokoa
- | Begiradak
- | Hemeroteka
© Donostiako Hedabideak, S.L. - Katalina Eleizegi 36 behekoa - DONOSTIA - Tel.: 943 46 72 36
Faxa: 943 44 65 32 - E-posta: donostia@irutxulokohitza.info
Internet Ehuntzen S.L.-k garatua
Donostiako Hedabideak, S.L.ko kideak: Bagera
Bertako Hedabideak (EKT)
eta Donostiako Berriak Kultur Elkartea: 40 gizarte eragile.