Irutxuloko Hitza

Uda

Azken denboraleak eragindako kalteak direla eta, Zurriola eta Irlako zerbitzuak ekainaren 15ean dituzte aurten.

erredakzioA

Bihar abiatuko du Udalak aurtengo hondartza garaia eta irailaren 30era bitarte izango ditu ohikoak diren oinarrizko zerbitzuak hondartzetan.

Aldagelak, megafonia sistema eta sorosleak, beraz, herritarren zerbitzura izango dira igandetik aurrera. Gabarroiak ere hilaren hasieran jarriko dituzte Kontxan eta Ondarretan eta hilaren erdialdean toldo nahiz karpak; 1.449 toldo hiru hondartzatan, 389 sonbrila eta 100 etzaulki.

Atzerapenak Zurriolan eta Irlan

Martxoko denboraleak eragindako kalteak konpontzeko lanak direla eta, Zurriolako komun publikoak eta kabina zerbitzua ez dituzte ekainaren 15era arte martxan jarriko. Gauza bera gertatuko da Irlako taberna, dutxa eta komun publikoekin. Gainera, bide batez, Irlako araztegia ere konponduko dute.

Berritasunak

Zaintza indartze aldera, sorosle-etxola bat gehiago jarriko dute aurten Zurriola hondartzan.

Era berean, hondarra garbitzekoeta bahetzeko makina berri bat gehitu diote garbiketa sistemari. Dutxek bi mutur izango dituztela jakinarazi dute. Iaz bezala, beraz. Hori bai, diametroa iaz baino zabalagoa izango da, eta, beraz, ur-isuri handiagoa izango dute.