Edukira joan

Irutxuloko Hitza

Donostia
2009ko uztailak 4, Larunbata

Harpidetu zaitez!

Latinoamerikako artea eta Jorge Oteiza izango dira laster Kubo aretoan

Erakusketa

Ilan Wolff argazkilariaren erakusketa uztailaren 10a arte izango da erakusgai; urrian Kubo aretoa Oteiza gune bihurtuko da artistaren mendeurrenean.

erredakzioa



Kutxaren Kubo aretoa 2000ko abenduan zabaldu zuten Jorge Oteizaren figura eta artistaren ibilbideari buruzko erakusketarekin. Erakustaretoak berriro ekarriko du gogora Orioko maisua, bere jaiotzaren mendeurrenean. Urriaren 14a eta 21a bitartean, aste betez jarduera bereziak izango dira bertan. Horretarako Kubo aretoa gune multidisziplinar bihurtuko da artistaren sormen prozesua hainbat ikuspegietatik aztertuko duena.

Oteizari eskainitako gunea instalatu baino lehen eta Ilan Wolffen erakusketa amaitzean, Latinoamerika izango da Kubon protagonista. Latinoamerikako XX. mendeko artearen ikuspegi zabala azalduko du: sortzaileak, sinboloak, figurazioa, abstrakzioa, geometria, zinetismoa...

Balenciagaren erakusketak ikusle gehien

Kubo aretoaren zortzi urteko ibilbidean askotariko erakusketak egin dira. Bitxia baldin bada ereCristobal Balenciaga moda diseinatzaileari eskainitako bildumak izan ditu bisitari gehien. Bestalde, Yann Arthus-Bertrand argazkilariaren Lurra zerutik ikusita erakusketa egunero ikusle gehien jaso ditu. Lurra planetaren aldeko alegatu gisa sortu zuen airetik ateratako argazki bilduma. Gai berari helduko dio Kubo aretoak urria bukaera aldera urari buruzko proiektu batekin: H20. Solidoa, likidoa, gas egoera. Bertan artearen eta zientziaren ikuspegitik urak gure bizitzan duen garrantzia aztertu eta landuko da.

Horrela, 2008ko bigarren erdian Oteiza guneak eta urak hartuko dute Kubo aretoa. Lehenengo erdiaren sei hilabeteetan 50.000 bisitari izan ditu dagoeneko. Dublingo Irish Museum of Modern Arteko artelanekin hasi zen denboraldia. Ondoren Carmelo Ortiz de Elgea eta Nestor Basterretxearen lanaren arteko elkarrizketa eta oraindik ikusgai dagoen Ilan Wolffen argazkigintza esperimentala, hirugarrena.

Udan lantegi bereziak

Uztaila eta abuztuan Kubo aretoko jarduera didaktiko gehiago antolatuko dira, lantegiak edo saio bereziak esaterako.Duela gutxi ONCEko talde bat izan zen eta eskulturaren munduan trebatzeko aukera izan zuten.

 

1.000.000 bisitaria



OSPAKIZUNA Irungo Mariano Arsuaga pintorea izan zen 1.000.000 bisitaria ekainaren 20an. Sariduna Ilan Wolff israeldarraren Camera Obscura argazki erakusketara joan zen. Erakusketak harrera bikaina izan du. Apirilaren 24an ireki zutenetik 21.000 pertsona izan dira bertan. Horregatik erabaki dute erakusketaren iraupena luzatzea. Mariano Arsuagak urriaren 14a eta 21a bitartean gozatuko du sariaz Parisen, egun horietan egingo dute eta Frantziako argazkigintza azoka.

 

zabaldu.com
bildu.net
digg.com
del.icio.us

Jasotako erantzunak:

Mezua idatzi

Parte hartu | Zure mezua bidali

:

:

:

:

Spambotak ekiditeko irudia
:

Parte hartzeko arauak

  1. 1. - Saiatu zure artikuluak izen-abizenekin sinatzen. Indar handiagoa du.
  2. 2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
    * Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
    * Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
    * Aurreko gauza bera gai orokorrez idatzi behar denean ere.
    * Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
  3. 3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.

© Donostiako Hedabideak, S.L. - Katalina Eleizegi 36 behekoa - DONOSTIA - Tel.: 943 46 72 36
Faxa: 943 44 65 32 - E-posta:

Internet Ehuntzen S.L.-k garatua

Donostiako Hedabideak, S.L.ko kideak: Bagera
Bertako Hedabideak (EKT)
eta Donostiako Berriak Kultur Elkartea: 40 gizarte eragile.

Lege Informazioa