Edukira joan

Irutxuloko Hitza

Donostia
2009ko uztailak 4, Larunbata

Harpidetu zaitez!

Gaurtik uztailaren 31 arte dute danborrada berriek izen emateko aukera

Jaiak

Parte Zaharrean, Erdialdean, Grosen, Amaran eta Antiguan danborrada berriek ezingo dute nahi duten orduan atera.

erredakzioa



Amaratarra, Espai Catalunya eta Beti Erreala danborradak izan ziren aurreko urtarrilaren 20an hiriko kaleetatik Sarriegiren doinuak lehenengoz jo zituztenak. Hurrengo urteko San Sebastian egunean danborra joaz ibili nahi duten elkarteek hilabete honetan dute izen emateko aukera.

Urtetik urtera danborjolez betetzen dira kaleak eta zenbait ordutan ezinezkoa izaten da hainbat auzotan danborradak antolatzea. Hori dela eta, Parte Zaharrean, Erdialdean, Grosen, Amaran edota Antiguan ordutegia mugatuta dute atera nahi duten danborrada berriek. Beste zonalde batzuetan ¬Egian- Loiolan- Martutenen eta Altzan-Intxaurrondon¬ elkarteek nahi duten ordutegia aukera dezakete, zonalde horretako batzordeak erabakiko du, ordea, eskatutako ordua bideragarria den ala ez.

Danborrada prestatzeko erraztasunak

Behin danborrada berria osatzeko eskaera egin eta baiezkoa jasota, orduan hasten da elkarteentzat lanik gogorrena. Danborrak, kupelak, uniformeak... Urtarrilaren 20ean txukun-txukun ateratzeko xehetasun guztiak prestatu behar dituzte.

Leclerq kapela dendarentzat edo danborrak egiten dituen Erviti musika dendarentzat uda ostean hasten da elkarteen eskariak erantzuteko lan gogorra. Bi denda hauez gain, jantziak prestatzeko edo danborrada osatzeko beharrezkoak diren beste erosketak egiteko hainbat proposamen eskaintzen ditu Donostia Kulturak bere webgunean, www.donostiakultura.com-en.

 

Libre dauden orduak



Parte Zaharrean. 5:00etatik 16:00etara.

Erdialdea. 5:00etatik 12:00etara.

Gros. 5:00etatik 17:00etara. 21:30etatik 24:00etara daborrada bakarra atera daiteke beste danborraden ordutegi eta ibilbideekin bat egiten ez badu.

Amara. 00:00etatik 16:30era.

Antigua. 3:00etatik 17:00etara.

 

zabaldu.com
bildu.net
digg.com
del.icio.us

Jasotako erantzunak:

Mezua idatzi

Parte hartu | Zure mezua bidali

:

:

:

:

Spambotak ekiditeko irudia
:

Parte hartzeko arauak

  1. 1. - Saiatu zure artikuluak izen-abizenekin sinatzen. Indar handiagoa du.
  2. 2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
    * Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
    * Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
    * Aurreko gauza bera gai orokorrez idatzi behar denean ere.
    * Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
  3. 3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.

© Donostiako Hedabideak, S.L. - Katalina Eleizegi 36 behekoa - DONOSTIA - Tel.: 943 46 72 36
Faxa: 943 44 65 32 - E-posta:

Internet Ehuntzen S.L.-k garatua

Donostiako Hedabideak, S.L.ko kideak: Bagera
Bertako Hedabideak (EKT)
eta Donostiako Berriak Kultur Elkartea: 40 gizarte eragile.

Lege Informazioa