Irutxuloko Hitza

Galtzagorri Elkarteak literatur jolas bat prestatu du Koldo Mitxelenako Ganbara aretoan. Haurrei eskainitako literatur abentura da. Labirinto batean sartu eta ipuinaren heroi bihurtuko dira.

Literatura klasikoa gogora dakarren literatur jolas baten instalazioa antolatu du Donostiako Galtzagorri Elkarteak. Gaurtik aurrera Haur eta Gazte Liburuaren Iberiar Biltzarra egingo dute Miramar jauregian eta honen harira zabaldu du Koldo Mitxelenako ganbaran Labirintoaren erbestean erakusketa.

Ulisesen Odisea, Teseo eta labirintoko minotauroa... Sinboloz jositako esperientzia biziko dute abentura honetan parte hartzen animatzen diren haurrek. Heroiek beren ohiko bizimodua utzi eta urruneko herrialdeetara bidaiatu ohi zuten. Bidean hainbat arrisku, oztopo eta egoera harrigarrirekin egiten zuten topo eta bukaeran pertsona heldu zirela ohartzen ziren. Jolas hau ere haurrentzako barneko bidaia bat da.

Labirinto misteriotsua

Sarreran labirinto bat dago. Sartu eta irteera bilatu beharko dute. Bakarka edo binaka, sorpresaz beteriko labirintoaren bide estuetatik ibiliko dira.Atseden lekuak ere aurkituko dituzte eta nahi duenak liburuak begiratu, irakurri eta diskoak entzuteko aukera izango du. Ez dute aspertzeko astirik izango beraz. Haurrak guraso zein senideekin joan daitezke Ganbarara baina kontuan hartu behar dute gehienez hamarreko taldeak sar daitezkeela bidaia modu erosoan egin ahal izateko.

Lurralde ezezagunean zehar bidaia misteriotsua

Munduz mundu eta hiriz hiri naturaren lau elementuen barrena bidaiatuko dute bisitariek. Mundu ezezagun honetan pertsonaia harrigarri eta ezezagunekin topo egingo dute. Mapa bat ere izango dute lagun bertan aurkituko dituzten pistak jarraitu ahal izateko.

Musika, eskulanak, literatura, irakurketa...

Galtzagorrik Labirintoaren erbestean proiektua sortu zuenean argi izan zuen hainbat diziplina bilduko zituela. Horrela, labirintoaren instalazioaz gain, kanpoaldean maketa txiki bat eta eskulan batzuk jarri dituzte eta dvd bat proiektatuko dute. Dvd honetan euskal literaturako idazleen testu batzuk hautatu dituzte. Ahotsak grabatu eta proiektu honetarako propio sortutako musika konposizio batekin elkartu dituzte. Irudiak berriz euskal ilustratzaileenak dira, Antton Olariaga edo Mattin-enak, besteak beste. Honez gero 500 haurren bisita aurreikusita dute antolatzaileek.

 

Jasotako erantzunak:

Mezua idatzi

Parte hartu | Zure mezua bidali

Izena:

e-posta:

Izenburua:

Mezua:

Aurreko kodea kopiatu:

Parte hartzeko arauak

1. 1. - Saiatu zure artikuluak izen-abizenekin sinatzen. Indar handiagoa du.
2. 2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
   * Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
   * Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
   * Aurreko gauza bera gai orokorrez idatzi behar denean ere.
   * Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
3. 3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.