Irutxuloko Hitza

Liburu eta Disko Azoka

Uztailaren 13a arte 40 postu izango dira Gipuzkoa plazan; Ohi bezala %10eko deskontua izango da nobedadeetan.

nerea lizarralde

Uztailan liburu berriena eta irailan bigarren eskukoena. Orain, nobedadeen azokan euskarazko eta gaztelerazko azken liburuak eskuratu ahal izango dira, %10eko beherapenarekin. Guztira 40 postu izango dira Gipuzkoa plazan goiz eta arratsaldez. Haur eta gazte literatura, sukaldaritza, historia, pintura, artea, euskal diskoak... Eskaintza zabala izango da. Andoni Arantzegi Gipuzkoako Liburusaltzaileen presidentearen ustez, «guretzako oso garrantzitsua da liburuak kalera ateratzea, jendea irakurzaletasunera gerturatzen baita modu honetan».

Literatura unibertsaleko bi liburu aurkeztuko dira euskaraz, Malcom Lowryren Sumendiaren azpian eta Andre Malrauxen Esperantza. Bestalde, Euskadi Sariak banatuko dira gaur. Aurten gaztelerazko libururik salduena Carlos Ruiz Zafonen El juego del angel izan da eta euskaraz Iñigo Aranbarriren Zulo bat uretan. Zafon Donostiara ez dela etorriko esan dute antolatzaileek.

Idazleen firmak asteburuan

Euskal idazleak Liburu eta Disko Azokara gerturatuko dira asteburuan bi txandatan, 12:00etan eta 18:30ean. Mariasun Landa, Pako Aristi, Karmele Jaio, Begoña Zabala, Jose Luis Urrutia, Pedro Martin edo Castillo Suarez izango dira, besteak beste.

Azokaren inguruan beste jarduera batzuk ere prestatu dituzte. Uztailaren 10ean Felipe Juaristi idazlea eta Allan Owen pianojolearen emanaldia izango da 19:00etan San Jeronimo kaleko liburutegian.

Irakurleen ikerketa

Euskal Autonomia Erkidegoan egindako irakurzaletasunari buruzko ikerketa baten arabera, irakurleen erdia baino gehiago euskaraz irakurtzeko gai da. Irakurleek gehien aipatu dituzten euskal liburu eta idazleak ere plazaratu dituzte. Horien artean daude Ramon Saizarbitoriaren Gorde nazazu lurpean, Anjel Lertxundiren Ihes betea, Koldo Izagirreren Sua nahi, Mr. Churchill, Joxe Azurmendiren Espainiaren arimaz edo Joan Mari Irigoienen Odolean neraman.

Bestalde, ohiko irakurleek gero eta gehiago irakurtzen dutela ikusi dute antolatzaileek ikerketa honetan. Lehen aldiz 10 eta 13 urteko haur eta gaztetxoek parte hartu dute ikerketan eta bere lehenengo zaletasunen artean omen dago irakurzaletasuna, telebistaren aurretik. Bestalde, EAEko irakurzaletasuna Espainiakoarekin alderatuta altuagoa da baina Europarekin alderatuta batezbestekotik urrun dago.

 

Liburu azoka

Non. Gipuzkoa plazan.

Noiz. Uztailaren 13a arte.

Ordutegia. Goizez 11:00etatik 14:00etara eta arratsaldez 17:00etatik 21:00etara. Larunbat, igande eta jaiegunetan ordu erdi gehiago.

 

Jasotako erantzunak:

Mezua idatzi

Parte hartu | Zure mezua bidali

Izena:

e-posta:

Izenburua:

Mezua:

Aurreko kodea kopiatu:

Parte hartzeko arauak

1. 1. - Saiatu zure artikuluak izen-abizenekin sinatzen. Indar handiagoa du.
2. 2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
   * Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
   * Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
   * Aurreko gauza bera gai orokorrez idatzi behar denean ere.
   * Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
3. 3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.