Irutxuloko Hitza

Jardunaldiak

Elikadura, osasuna, elikadura jokabidearen nahasteak eta jarduera fisikoa izango dira hizpide.

ERREDAKZIOA

Bihar Delikatuz bizi III. jardunaliei hasiera emango zaie Donostiako EHUko Psikologia fakultatean. Elikadura, osasuna , elikadura jokabideen nahasteak eta jarduera fisikoaren inguruan arituko dira azaroaren 21, 22, 28 eta 29an. Hitzaldiak fakultateko Aretoa nagusian izango dira.

Ordiziako Delikatuz Elikadura eta gastronomia guneak antolatu ditu jardunaldiak, Delikatuz bizi kanpainaren baitan. Bi ataletan banatu behar dira hitzaldiok. Batetik, azaroaren 21 eta 22an Elikadura, osasuna eta jarduera fisikoa jorratuko dira. Bestetik, azaroaren 28 eta 29an Elikadura jokabideen nahasteak eta jarduera fisikoa landuko dira.

Jardunaldiak baino gehiago

Delikatuz bizi kanpainaren helburua, gipuzkoarrak elikadura osasuntsuaren inguruan sentikortu eta heziketa eskaintzea da.

Aurten, jarduera fisikoak osasunean duen eragin positiboa eta elikadura ohitura osasuntsuekin duen erlazioa nabarmentzeko Bizi delikatuz eta mugituz leloa aukeratu da.

Sukaldaritza osasuntsua

Kanpaina honen baitan, Sukaldaritza osasungarria ikastaroa antolatu da maiatza eta ekainerako. Bertan, sukaldaritzako tailer baten bidez, Giza Nutrizio eta Dietetikako aditu batek elikadura hobetzeko oinarrizko hainbat irizpide emango ditu. 12 eguneko tailerra izango da eta eskolak Donostiako Cebanc-CDA zentroanan emango dituzte. Informazio gehiago: 943 88 22 90.