Edukira joan

Irutxuloko Hitza

Donostia
2009ko urtarrilak 8, Osteguna

Harpidetu zaitez!

Adopzioaren inguruko hitzaldia, Intxaurrondon

Hitzaldia

Ume Alaia elkarteak haur adoptatuen beharrei buruzko hitzaldia emango du gaur, 17:30ean.

ERREDAKZIOA



Ume Alaia adopzio familien elkarteak adopzioaren inguruan prestatu ohi dituen hitzaldietako bat antolatu du gaurko. Intxaurrondoko Txara I eraikineko aretoan Javier Mugica psikologoak emango duen Adopzio-familien eta haur adoptatuen behar bereziak hitzaldia aurtengo azkena izango da, eta ohi bezala, elkarteko kide ez direnek joateko aukera izango dute oraingoan ere.

Haurren beharrak

Elkarteak adopzio aurreko eta adopzio ondorengo hitzaldiak antolatu ohi ditu hainbatetan, urtean zehar. Hauetan haurrek izan ditzaketen arazoak eta beharrak aztertu ohi dituzte psikologoek edota hezitzaileek. Gurasoen eta haurren ikuspegietatik, egoera berri hauek eragiten dituzten emozioak landu eta haurren bertakotzea errazteko jarraibideak ematen dituzte.

Javier Mugica Agintzariko psikologo eta Adoptiako kideak, abandonu esperientzia bizi izan duten haurrentzat, adopzioak emozionalki, kognitiboki eta harremanei dagokionez eskatzen dien esfortzua izango du mintzagai. Abandonua ulertu eta adopzioaren egoera onartzeko gurasoek eta haurrek elkarrekin egin beharreko lan emozionala nola gauzatu azalduko du.

Datorren astean, festa

Urteari amaiera emateko, azaroaren 29an, Kontukanoi ipuin kontalari taldeak Bazen noizbait nonbait norbait ikusikizunaren emanaldia egingo du haurrentzat eta helduentzat.

 

zabaldu.com
bildu.net
digg.com
del.icio.us

Jasotako erantzunak:

Mezua idatzi

Parte hartu | Zure mezua bidali

:

:

:

:

Spambotak ekiditeko irudia
:

Parte hartzeko arauak

  1. 1. - Saiatu zure artikuluak izen-abizenekin sinatzen. Indar handiagoa du.
  2. 2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
    * Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
    * Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
    * Aurreko gauza bera gai orokorrez idatzi behar denean ere.
    * Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
  3. 3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.

© Donostiako Hedabideak, S.L. - Katalina Eleizegi 36 behekoa - DONOSTIA - Tel.: 943 46 72 36
Faxa: 943 44 65 32 - E-posta:

Internet Ehuntzen S.L.-k garatua

Donostiako Hedabideak, S.L.ko kideak: Bagera
Bertako Hedabideak (EKT)
eta Donostiako Berriak Kultur Elkartea: 40 gizarte eragile.

 

Lege Informazioa